送給所有安全感低的大家(上)
#女人像鹽
【 Bonnie Man #女人像鹽 : 送給所有安全感低嘅大家 (上)】
我認為安全感有兩種，一種來自別人，一種係來自於你自己，首先講下來自別人嘅先。
如果一段感情由一開始對方已經比唔到安全感你，例如你一識佢嘅時候，佢就已經好有異性緣但係又會去避忌，唔肯承認/表白你哋嘅關係，無交帶鐘意玩失蹤，又或者其實大家根本就係唔同層次背景嘅人，喺咁嘅情況之下，我只會勸你默念以下呢句3000遍：
勉強其實無幸福。
當你嘅另一半越係只顧集中做返自己，你就愈怕失去佢。由於你想令對方覺得同你一齊係開心無壓力嘅，於是就不斷退讓遷就，甚至改變自己連底線也失去都無關係。譬如佢鍾意玩失蹤，就算你本來幾嬲都好，佢一打嚟你就脾氣瞬間歸零，將自己嘅想法同不滿收埋心底。直到有一日當你開始注意到自己退讓到已經唔能夠再退，同時怨恨佢點解唔能夠為你改變嘅時候，先發現原來你只不過用咗時間去證明你早就知道嘅答案...咁我只好勸你唔啱就唔好勉強，以後亦要帶眼識人。
其實與其喺別人身上搵安全感，不如自己比自己安全感。
#下回再續 #女人像鹽
Search